აშშ-ის პრეზიდენტმა დონალდ ტრამპმა ამერიკელებს წითელ პარასკევს საკურნებელი ლოცვებისკენ მოუწოდა. ამის შესახებ ინფორმაციას CNN ავრცელებს.

ტრამპის თქმით, მიუხედავად იმისა, რომ ამ აღდგომის დღესასწაულზე ოჯახები ტრადიციულად შეკრებას ვერ შეძლებენ, მათ შეუძლიათ, რომ ეს დრო ლოცვისთვის გამოიყენონ.

"ამ წმინდა პერიოდში ჩვენი ერი უხილავი მტრის წინააღმდეგ ბრძოლაში ისე დგას ერთად, როგორც არასდროს", — განაცხადა ტრამპმა.

ტრამპმა მადლობა გადაუხადა მათ, ვინც მისი ჯანმრთელობისთვის ლოცულობს.

"მაშინ, როდესაც უხილავ მტერს ვებრძვით, ჩვენ კიდევ ერთხელ ვადასტურებთ, რომ ამერიკელებს ლოცვის სჯერათ", — განაცხადა ტრამპმა.

ბოლო მონაცემებით, აშშ-ში კორონავირუსით ინფიცირების 486 490 შემთხვევა დადასტურებული, აქედან გარდაცვლილია 16 ათასზე მეტი ადამიანი და გამოჯანმრთელებულია 27 ათასზე მეტი.