ამერიკის საპრეზიდენტო არჩევნებში გამარჯვების შემდეგ, დონალდ ტრამპი, უცხოელი პოლიტიკოსებიდან პირველს, ბრიტანელ პოლიტიკოსს ნაიჯელ ფარაჯის შეხვდა. ინფორმაციას BBC ავრცელებს.

"ჩემთვის პატივი იყო ტრამპთან შეხვედრა, ის დასვენებულია და კარგი იდეებითაა სავსე. მჯერა, დონალდ ტრამპი კარგი პრეზიდენტი იქნება, ამერიკისა და ბრიტანეთის ურთიერთობას ის მხარს უჭერს, ესაა კაცი, ვისთანაც საქმის დაჭერა შეიძლება" - განაცხადა ფარაჯიმ შეხვედრის შემდეგ.

დიდი ბრიტანეთის დამოუკიდებლობის პარტიის პრესსამსახურის ინფორმაციით, ფარაჯი და ტრამპი ერთმანეთს ნიუ-იორკში, ტრამპ-თაუერში შეხვდნენ და "ტრამპის გამარჯვებისა და თავისუფლების" თემა განიხილეს.

ტრამპის კამპანიის წარმომადგენელმა კელიენ კანვეიმ კი განაცხადა, რომ მათი შეხვედრა ძალიან პროდუქტიული იყო.

გაერთიანებული სამინისტროს კაბინეტმა დაუნინგ სტრიტიდან კი განაცხადა, რომ, აღნიშნულ შეხვედრას ტრამპისა და ბრიტანეთის მთავრობის ურთიერთობასთან კავშირი არ აქვს.

ნაიჯელ ფარაჯი დიდი ბრიტანეთის დამოუკიდებლობის პარტიის ლიდერი და ბრიტანეთის ევროკავშირიდან გასვლის, ე.წ. ბრექსითის, ინიციატორია.

24 ივნისს, დიდი ბრიტანეთის ამომრჩეველთა უმრავლესობამ, 52-მა პროცენტმა, მხარი დაუჭირა ქვეყნის ევროკავშირიდან გასვლას.