დიდი ბრიტანეთის დამოუკიდებლობის პარტიის ლიდერმა ნაიჯელ ფარაჯმა ევროპარლამენტს შემდეგი სიტყვებით მიმართა "ახლა აღარ იცინით".

მას შემდეგ, რაც ევროკომისიის პრეზიდენტმა ნაიჯელ ფარაჯს და სხვა კანონმდებლებს, კითხვით მიმართა, რატომ ხართ აქ? და ამ კითხვას სხდომაზე სიცილი და აპლოდისმენტები მოჰყვა, ფარაჯიმ აღნიშნა, რომ "ეს სასაცილო არ იყო".

"17 წლის წინ, როდესაც პარლამენტში მოვედი და ვთქვი, რომ გავუძღვებოდი კამპანიას ბრიტანეთის ევროკავშირიდან გასვლაზე, ყველამ დამცინეთ, ახლა კი ამაზე აღარ გეცინებათ" - თქვა გაერთიანებული სამეფოს დამოუკიდებლობის პარტიის ლიდერმა.

ფარაჯიმ დასძინა, რომ ერვოპარლამენტის წარმომადგენლების უმრავლესობას დიდი ბრიტანეთისთვის ბევრი არაფერი გაუკეთებია.

ევროპარლამენტის პრეზიდენტმა მარტინ შულცმა ფარაჯის ამ სიტყვებს "მიუღებელი" უწოდა.

დებატების შემდეგ, პარლამენტმა ბრიტანეთის რეფერენდუმის შესახებ რეზოლუციას უყარა კენჭი, სადაც აღნიშნულია, რომ ბრიტანეთის მთავრობამ მისი ხალხის დემოკრატიულ გადაწყვეტილებას პატივი უნდა სცეს, ევროკავშირიდან გასვლის პროცედურების სწრაფი და თანმიმდევრული განხორციელებით.