დემოკრატიული პარტიის დონორებთან სატელეფონო საუბრისას, ჰილარი კლინტონმა, ამერიკის საპრეზიდენტო არჩევნებში დამარცხების მიზეზად, აშშ-ს გამოძიების ფედერალური ბიუროს პრეზიდენტი დაასახელა.

BBC-ის ინფორმაციით, კლინტონი მიიჩნევს, რომ არჩევნების დღემდე ცოტა ხნით ადრე, FBI საარჩევნო პროცესში მისთვის ნეგატიურად ჩაერია, როდესაც 28 ოქტომბერს ახლადაღმოჩენილ იმეილებთან დაკავშირებით, დემოკრატების საპრეზიდენტო კანდიდატის წინააღმდეგ გამოძიება გააგრძელა.

კლინტონის თქმით, არჩევნების წინა დღეს, გამოძიების დირექტორის ჯეიმს კომის განცხადება, რომ ე.წ. იმეილების საქმეში მისი დანაშაული არ იკვეთებოდა, დემოკრატიული პარტიის წინასაარჩევნო კამპანიის შეწყვეტამდე სულ მცირე დროით ადრე მოხდა.

არჩევნების შედეგებთან დაკავშირებით სიტყვით გამოსვლის შემდეგ, ჰილარი კლინტონს საჯარო განცხადებები აღარ გაუკეთებია.

ტრამპის გამარჯვების გამოცხადების დღიდან, ამერიკის დიდ ქალაქებში საპროტესტო გამოსვლები მიმდინარეობს. გუშინ ნიუ-იორკში 2 000-მდე მშვიდობიანმა აქტივისტმა საპროტესტო მარშით რესპუბლიკელების კანდიდატის დონალდ ტრამპის პრეზიდენტად არჩევა გააპროტესტა.