დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პრემიერ-მინისტრ, გიორგი გახარიას განცხადებით, ის შეზღუდვები, რომელიც ონლაინვაჭრობასა და მიტანის სერვისს შეეხო უსაფრთხოების მიზეზით იქნა მიღებული. ამის შესახებ მან გადაცემა ღია ეთერში ისაუბრა.

"რამდენჯერმე ვთვქით, რომ ეს არის ის შეზღუდვები, რომელიც არის საჭირო დღეს და არის დროებითი. მეც ბევრმა ადამიანმა შემაწუხა ამასთან დაკავშირებით და მომმართა. იყო დასაბუთებული, საკმაოდ სერიოზული არგუმენტები, რომელსაც მივიღებთ, მაგრამ იყო, შემთხვევები, მაგალითად, თუ მინდა ტელეფონის ან "ნაუშნიკის" ყიდვა. როგორ შეიძლება, როდესაც ამხელა გამოწვევაზე ვსაუბრობთ, ვერ მოვითმინოთ ორი კვირის განმავლობაში მუსიკალური პლეიერის ყიდვა, ეს უბრალოდ, ჩემთვის გაუგებარია", — აღნიშნა გახარიამ.

პირველ აპრილს ცნობილი გახდა, რომ მიტანის სერვისით საკვები პროდუქტებისა და აფთიაქების გარდა სხვა მაღაზიები ვეღარ ისარგებლებენ.

როგორც პრემიერ-მინისტრმა განმარტა, უსაფრთხოების პირობების დაცვის შემდეგ ყველა კომპანიას ონლაინვაჭრობის საშუალება ისევ მიეცემა.

საქართველოში კორონავირუსით ინფიცირებულთან რიცხვი 117-მდე გაიზარდა. ამათგან 23 უკვე გამოჯანმრთელდა. კარანტინის რეჟიმში 5 783 ადამიანი რჩება, სტაციონარში მეთვალყურეობის ქვეშ კი — 301.

30 მარტს პრემიერმინისტრმა გიორგი გახარიამ თქვა, რომ საგანგებო მდგომარეობის ფარგლებში ზომები მნიშვნელოვნად გამკაცრდება. მან აღნიშნა რომ, "ფაქტობრივად კარანტინს" აცხადებენ, რომელიც 31 მარტის 8 საათიდან ამოქმედდა და ასევე "ფაქტობრივ კომენდანტის საათს" ითვალისწინებს.

რაც შეეხება შეზღუდვებს:

გარდა ამისა უწყებათაშორისი საბჭოს გადაწყვეტილებების განსახორციელებლად ოპერატიული მართვის შტაბი შეიქმნა. ასევე, 7 ქალაქში პირთა გადაადგილების კონტროლისა და თერმოსკრინინგისთვის საკონტროლო პუნქტები მოეწყობა. ესენია: თბილისი, ქუთაისი, ბათუმი, რუსთავი, ფოთი, ზუგდიდი და გორი.

სხვა შეზღუდვები და სიახლეები:

პრემიერმა განაცხადა, რომ ზემოთაღნიშნულ შეზღუდვები ისევე, როგორც სხვა პრევენციული ღონისძიებები ტარდება იმისთვის, რომ "უხერხულობა არ შევუქმნათ არც ჩვენს მრევლს, არც ეკლესიას და არც რიგით მოქალაქეებს." მისივე თქმით, სურვილი აქვთ არსებულ სიტუაციას აღდგომის დღესასწაულებამდე გაუმკლავდნენ, თუმცა გარანტიები არ არსებობს. მთავრობისა და სამედიცინო სფეროს წარმომადგენლების თქმით, უკვე დაფიქსირდა შიდა გავრცელება და 3 პირის ინფიცირების წყარო უცნობია.

პრემიერ-მინისტრის თქმით, ინფიცირებულს შორისაა სამედიცინო სექტორის წარმომადგენელი, რომელსაც ვირუსი სამსახურებრივი მოვალეობის შესრულების დროს გადაედო.