დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოს საპატრიარქოს გადაწყვეტილებით, ქვეყანაში კორონავირუსის გავრცელების გამო, ზიარების შემდგომ პროცედურაში ერთჯერადი ან საკუთარი ჭიქის გამოყენება იქნება შესაძლებელი. ამის შესახებ საპატირარქომ განცხადება ცოტა ხნის წინ გაავრცელა.

"დასაშვებად მივიჩნევთ, რომ ზიარების შემდგომ სასმელის ("სიტკბოების") მიღება მოხდეს საკუთარი ან ერთჯერადი ჭიქებით. გვინდა აღვნიშნოთ, რომ ტაძარი არის განსაკუთრებული ადგილი ღვთისმყოფობისა, აქ აღსრულებული ლიტურგია კი ყველაზე მნიშვნელოვანი მსახურებაა დედამიწაზე", — წერია განცხადებაში.

საპატრიარქოს მიერ გავრცელებულ ტექსტში აღნიშნული არაა ზიარების დროს ერთი კოვზის გამოყენების საკითხი. განცხადებაში ნათქვამია, რომ უსაფრთხოების დამატებითი ზომების მისაღებად ეკლესიებისათვის სადეზინფექციო საშუალებების გაცემა უკვე დაწყებულია.

ამასთან, საპატრიარქოს რჩევით, მრევლმა უზმოზე ნაკურთხი წყალი უნდა მიიღოს, სახლის და სამუშაო სივრცეს კი აპკუროს. საპატრიარქოში ამბობენ, რომ სასურველია წირვის შემდეგ, მოძღვრებმა შეასრულონ ლიტანიობა და ნაკურთხი წყალი ასხურონ ეკლესიის მიმდებარე ტერიტორიასა და ქუჩებს.

განცხადებაში, ასევე, აღნიშნულია, რომ "ვიდრე ქვეყანაში მძიმე მდგომარეობაა" სრულიად საქართველოს კათოლიკოს-პატრიარქმა მიიღო გადაწყვეტილება, რომ 15 მარტიდან, ყოველ კვირა დღეს, 12 სთ-ზე, ყველა ტაძარში დაირეკოს ზარები და მრევლმა ერთად ილოცოს.

ზიარების წესთან დაკავშირებით, საპატრიარქოში ამბობდნენ, რომ ის არ შეიცვლებოდა:

• ეკლესიამ ყველა რეკომენდაცია უნდა გაითვალისწინოს, ზიარების გარდა — დეკანოზი გალდავა კორონავირუსზე;
• ჯაღმაიძის თქმით, ზიარების წესის შეცვლა არ განიხილება, რაც არ უნდა მკაცრი იყოს რეკომენდაცია;
• ღვინო, რომელიც ბარძიმში გარდაიქმნება სისხლად, არის ანტისეპტიკი — მეუფე ნიკოლოზი;
• ზიარება უსაფრთხოა რწმენით, ვისაც აქვს ეჭვი, სჯობს, არ ეზიაროს — დეკანოზი ილია ჭიღლაძე.

დღეს, 14 მარტს საქართველოში კორონავირუსით ინფიცირების კიდევ 5 შემთხვევა დადასტურდა და ინფიცირებულების რაოდენობა 30-მდე გაიზარდა. საქართველოში მესამეული ანუ შიდა გადაცემის პირველი შემთხვევა დადასტურდა.

პანდემია და რეკომენდაციები

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

• პრემიერმა შსს-ს დაავალა, გააკონტროლოს თვითიზოლაციაში მყოფი პირები
• პრემიერმა სახელმწიფო და კერძო დაწესებულებებს დისტანციური მუშაობის რეკომენდაცია მისცა
• კორონავირუსის პრევენციისთვის თბილისის მერიის სერვისები შეიზღუდება
• საქართველოს საზღვარზე შემოწმების შემდეგ სავალდებულო კარანტინი კიდევ 4 ევროპული ქვეყნისთვის დაწესდა — სია

საქართველოში კორონავირუსით ინფიცირების 30 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს, 25-ე შემთხვევა 12 მარტს დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

• ჯანდაცვის მსოფლიო ორგანიზაციის აუცილებელი რეკომენდაციები კორონავირუსისგან დასაცავად
• კორონავირუსის პრევენციისთვის საჭირო რჩევები მოგზაურებისთვის
• ჯანდაცვის სამინისტროს რეკომენდაციები ჟურნალისტებისთვის
• რეკომენდაციები თვითიზოლაციაში მყოფი პირებისთვის
• რეკომენდაციები და დამატებითი ინფორმაცია კარანტინში მყოფებისთვის
• გაეცანით ჯანდაცვის სამინისტროს რეკომენდაციებსა და პროტოკოლს თვითიზოლაციისთვის

ამავე თემაზე:

• როგორ უნდა გაიკეთოთ, გამოიყენოთ და გადააგდოთ ნიღაბი
• როგორ დავიბანოთ ხელები სწორად კორონავირუსისგან დასაცავად