დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოს ინფრასტრუქტურის მინისტრი ამბობს, რომ ქვეყანაში საგანგებო მდგომარეობის გამოცხადებისთვის არანაირი საფუძველი არ არსებობს. ეს განცხადება მაია ცქიტიშვილმა მთავრობის ადმინისტრაციაში, მსხვილი სუპერმარკეტების წარმომადგენლებთან შეხვედრის შემდეგ გააკეთა.

"საქართველოში ჯანდაცვის მდგომარეობასთან, ეპიდემიოლოგიურ მდგომარეობასთან დაკავშირებით გვაქვს ძალიან კარგი ვითარება ძალიან ბევრ ქვეყანასთან მიმართებაში. პაციენტების რაოდენობაც არის 30, ჯანდაცვის სექტორი სრულად აკონტროლებს ამ ეტაპზე ვითარებას, ჩვენი ეპიდემიოლოგები მუშაობენ, რათა ყველა კონტაქტი იყოს დადგენილი. ჩვენ არ გვაქვს არავითარი საფუძველი იმისთვის, რომ გამოვაცხადოთ საგანგებო მდგომარეობა", - თქვა მან.

მინისტრმა ასევე აღნიშნა, რომ სახელმწიფო სტრუქტურები სოციალური დისტანციის მაქსიმალური შეზღუდვით, თუმცა ჩვეულ რეჟიმში აგრძელებენ მუშაობას.

მაია ცქიტიშვილმა კიდევ ერთხელ თქვა, რომ ქვეყანაში სურსათის მარაგი არის და მომეტებული მოთხოვნის ან პანიკის საფუძველი არ არსებობს.

სურსათის საკმარის მარაგზე ისაუბრეს სუპერმარკეტების წარმომადგენლებმაც და აღნიშნეს ისიც, რომ უახლოეს მომავალში ფასების ზრდას არ გეგმავენ.

დღეს, 14 მარტს საქართველოში კორონავირუსით ინფიცირების კიდევ 5 შემთხვევა დადასტურდა და ინფიცირებულების რაოდენობა 30-მდე გაიზარდა. ამირან გამყრელიძის თქმით, ქვეყანაში პირველად დაფიქსირდა მესამეული კონტაქტით ინფიცირების შემთხვევა.

პანდემია და რეკომენდაციები

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 30 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს, 25-ე შემთხვევა 12 მარტს დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: