დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

დაავადებათა კონტროლის ეროვნული ცენტრის დირექტორის, ამირან გამყრელიძის თქმით, საქართველოში ე.წ მესამეული ანუ შიდა გავრცელება დადასტურდა. ამის შესახებ ამირან გამყრელიძემ პრესკონფერენციაზე ისაუბრა.

"დღეს დილით დადასტურდა 5 დამატებითი შემთხვევა, რომელიც უკავშირდება ისევ და ისევ იტალიას. 30 შემთხვევიდან 2 შემთხვევაში არის ირანში მოგზაურობის ისტორია, ერთი —ესპანეთში, დანარჩენი 12 მოგზაურობა იტალიაში —10 კონტაქტი, ხოლო დღეს შეგვიძლია ვთქვათ, მესამეული გადაცემა ანუ კონტაქტის შემდგომი კონტაქტი... სამწუხაროდ, ეს ნიშნავს რომ შიგნით გვაქვს შემთხვევა", — თქვა ამირან გამყრელიძემ.

ამირან გამყრელიძის თქმით, პაციენტებს აქვთ მსუბუქი სიმპტომები და მიმდინარეობს მათი ჩაღრმავებული კვლევა. მან კიდევ ერთხელ მოუწოდა მოსახლოებას მეტი სიფრთხილე გამოიჩინონ და დაიცვან პრევენციისთვის საჭირო რეკომენდაციები.

დღეს, 14 მარტს საქართველოში კორონავირუსით ინფიცირების კიდევ 5 შემთხვევა დადასტურდა და ინფიცირებულების რაოდენობა 30-მდე გაიზარდა.

პანდემია და რეკომენდაციები

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 30 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს, 25-ე შემთხვევა 12 მარტს დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: