სენატორ მიჩ მაკონელის თქმით, კორონავირუსის პრევენციის გამო აშშ-ს კაპიტოლიუმის კომპლექსი საზოგადოებისთვის მარტის ბოლომდე დაიხურება. ამის შესახებ ინფორმაციას CNN ავრცელებს. მათივე ცნობით, სულ მცირე ორმა სენატორმა დახურა ოფისი.

რესპუბლიკელმა სენატორმა, მიტ რომნიმ თანამშრომლებს უთხრა, რომ სახლიდან იმუშაონ. მანვე აღნიშნა, რომ თავად გაციებულია.

სენატორმა ტედ კრუზმა დროებით დახურა თავისი ოფისი, "რათა დაიცვას თანამშრომელთა ჯანმრთელობა". ტედ კრუზი თვითიზოლაციაშია მას შემდეგ, რაც იმ კონფერენციას დაესწრო, სადაც მოგვიანებით ერთ-ერთ მონაწილეს კორონავირუსი დაუდგინდა.

მსოფლიოში კორონავირუსის 124 000-ზე მეტი შემთხვევაა დადასტურებული და 4 600-ზე მეტი ადამიანი გარდაიცვალა. ინფექცია ყველაზე მეტად გავრცელებულია:

  • ჩინეთი — დადასტურდა 80 980 შემთხვევა და დაიღუპა 3 136 ადამიანი;
  • იტალია — 12 462 შემთხვევა, დაიღუპა 827 ადამიანი;
  • ირანი — 9 000 შემთხვევა, გარდაიცვალა 354 ადამიანი;
  • სამხრეთ კორეა — 7 869 დაიღუპა 66 ადამიანი;
  • საფრანგეთი — 2 269 შემთხვევა, დაიღუპა 48 ადამიანი;
  • ესპანეთი — 2 140 შემთხვევა, დაიღუპა 49 ადამიანი.

მსოფლიო ჯანდაცვის ორგანიზაციამ COVID-19, იგივე კორონავირუსი, რომელმაც გავრცელება 3 თვის წინ დაიწყო, საერთაშორისო პანდემიად გამოაცხადა. პანდემია ეწოდება ეპიდემიას, რომელიც გეოგრაფიულად განსაკუთრებით ფართო არეალში ვრცელდება, მაგალითად, რამდენიმე კონტინენტზე ან მთელი მსოფლიოს მასშტაბით.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: