ქართველი ექიმების წასახალისებლად, რომლებიც მსოფლიო პანდემიის ფონზე 24-საათიან რეჟიმში იბრძვიან საქართველოს მოქალაქეების ჯანმრთელობისთვის, საქართველოს ეროვნულმა ლატარიამ კამპანია #გაამხნევე წამოიწყო.

ჩვენი მიზანია, საზოგადოებისა და ბიზნესის მობილიზება სამედიცინო პერსონალის მხარდასაჭერად, რომლებიც, საკუთარი ჯანმრთელობის ფასად, თავდაუზოგავად შრომობენ კორონავირუს COVID19-ით დაავადებულთა განსაკურნებლად და ასევე, ყველაფერს აკეთებენ ვირუსის გავრცელებისგან თავის დასაზღვევად.

საქართველოს ეროვნული ლატარია მიიჩნევს, რომ საზოგადოება და ბიზნესი ამ ურთულეს პერიოდში გვერდში უნდა დაუდგეს სამედიცინო პერსონალს, გამოიჩინოს სოციალური პასუხისმგებლობა და შესაძლებლობების ფარგლებში დაეხმაროს სამედიცინო სფეროს კორონავირუსთან ბრძოლის ეფექტიანობის ასამაღლებლად!

ინფექციური საავადმყოფოს პერსონალთან კომუნიკაციის შემდეგ კორონავირუსით დაინფიცირებული პაციენტებისთვის, კარანტინში მყოფი პირებისა და თავად ინფექციური საავადმყოფოს მედპერსონალისთვის გამოიკვეთა ამ ეტაპზე აუცილებელი საჭიროების მქონე ნივთები, რომლებიც კომპანიამ შეიძინა და ინფექციურ საავადმყოფოს მადლობის ნიშნად გადასცა.

საქართველოს ეროვნული ლატარია მოუწოდებს საზოგადოებასა და ბიზნესს, აქტიურად ჩაერთონ ქართველი ექიმების მხარდაჭერისა და გამხნევების კამპანიაში.

აქვე, გვინდა აღვნიშნოთ, რომ საქართველოს ეროვნული ლატარიის ყველა საქველმოქმედო აქტივობის მონაწილეები კომპანიის მომხმარებლები არიან. ლატარიის ბილეთებიდან შემოსული თანხის ნაწილი სწორედ სოციალურ პროექტებს ხმარდება. ასე რომ, საქართველოს ეროვნული ლატარია მადლობას უხდის საკუთარ მომხმარებლებს, რადგან სწორედ მათი საშუალებით გახდა შესაძლებელი ამ ურთულეს პერიოდში ქართველი ექიმებისა და სამედიცინო სფეროს მხარდაჭერა!

ფოტო: ლოტო

ფოტო: ლოტო

ფოტო: ლოტო

ფოტო: ლოტო

ფოტო: ლოტო

ფოტო: ლოტო