ცნობილი ახალ ზელანდიელი მსახიობი და რეჟისორი, ტაიკა ვაიტიტი ნეტფლიქსთან ითანამშრომლებს და ამ სტრიმინგ სერვისისთვის ორ ანიმაციურ სერიალს გადაიღებს.

ორივე ანიმაციური სერიალი ცნობილი ბრიტანელი მწერლის, როალდ დალის საბავშვო კლასიკის — ჩარლი და შოკოლადის ქარხანა — მიხედვით შეიქმნება, ტაიკა ვაიტიტი კი ამ ახალი პროექტის სცენარის ავტორი, პროდიუსერი და რეჟისორი იქნება.

ერთი სერიალი მთლიანად 1964 წელს გამოქვეყნებული როალდ დალის ამ ცნობილი წიგნის მიხედვით შეიქმნება, მეორე კი ამ წიგნის პერსონაჟების — უუპა-ლუმპების დამოუკიდებელ ისტორიაზე იქნება, რომელებიც შოკოლადი ქარხანაში მუშაობენ.

ამის შესახებ ინფორმაცია ნეტფლიქსმა ტვიტერზე გაავრცელა:

როალდ დალის ამ ნაწარმოების მიხედვით აქამდე არაერთი ეკრანიზაცია გადაუღიათ, მათ შორის 2005 წელს ტიმ ბარტონის ფილმში მთავარ როლს ჯონი დეპი ასრულებს.

ტაიკა ვაიტიტიმ წელს საუკეთესო ადაპტირებული სცენარის ნომინაციაში ფილმ Jojo Rabbit-ით ოსკარი მიიღო. ფილმი 1930-იანებში გერმანიაში მცხოვრები 10 წლის ბიჭის შესახებ მოგვითხრობს, რომლის წარმოსახვითი მეგობარიც ჰიტლერია. რეჟისორობასთან ერთად ამ ნაცისტური პარტიის ლიდერის სატირულ როლს სწორედ ვაიტიტი ასრულებს.

"როალდ დალს თავისი ნაწარმოები იმისათვის რომ შეექმნა, რათა შემდეგ ვინმეს მისი მიხედვით ეკრანიზაცია გადაეღო, დარწმუნებული ამას, ამას ნამდვილად ტაიკა ვაიტიტისთვის გააკეთებდა", — განაცხადა ნეტფლიქსის ანიმაციური განყოფილების ვიცეპრეზიდენტმა, მელისა კობმა.

ნეტფლიქსმა გასულ წელს ანიმაციური ფილმი Klaus გამოუშვა, რომელმაც მაყურებლების დიდი მოწონება დაიმსახურა. ტაიკა ვატიტისთან თანამშრომლობით კი კიდევ უფრო სანახაობრივ და საინტერესო პროექტს უნდა ველოდოთ, თუმცა ჯერჯერობით ამ ანიმაციური სერიალების გამოსვლის ზუსტი თარიღი უცნობია.