საგარეო საქმეთა სამინისტროს ინფორმაციით, ყველა ის საკონსულო დაწესებულება, რომელიც კორონავირუსის აქტიური გავრცელების ზონაში მდებარეობს საგანგებო რეჟიმში იმუშავებს და ცხელი ხაზის დამატებით ნომრები ამოქმედდება. მათივე ინფორმაციით, ამ ეტაპზე დამატებითი ნომრები ამოქმედდა იტალიაში კორონავირუსით ინფიცირების შემთხვევების მატებისა და საქართველოს მოქალაქეების მიმართვიანობის მატების გამო.

იტალიის რესპუბლიკაში საქართველოს საელჩო საქართველოს მოქალაქეებს მოუწოდებს, დაემორჩილონ ადგილობრივი ხელისუფლების მითითებებსა და რეკომენდაციებს. თვითნებურად არ მიმართონ ამბულატორიებსა და სამედიცინო დაწესებულებებს და რესპირატორული სიმპტომების დროს (მაღალი სიცხე, ხველა, ყელის ტკივილი) დარეკონ იტალიის ჯანდაცვის სამინისტროს გამოქვეყნებულ ცხელი ხაზის ნომრებზე: 112 და 118.

საჭიროების შემთხვევაში საქართველოს მოქალაქეეებს შეუძლიათ დაუკავშირდნენ საქართველოს საელჩოს ქ. რომში ცხელი ხაზის ნომრებზე:

  • (+39 33) 3887 91 23;
  • (+39 35) 0131 21 31;
  • (+39 35) 0148 31 14.

საჭიროების შემთხვევაში იტალიაში მყოფ საქართველოს მოქალაქეებს ასევე შეუძლიათ მიმართონ იტალიის ჯანდაცვის სამინისტროს რეგიონულ სამსახურებს შემდეგ ცხელი ხაზის ნომრებზე:

  • ბაზილიკატა: 800.99 66 88;
  • პიემონტე: 24 საათის განმავლობაში 800-192-020, ან სამუშაო დღეებში 8-დან 20 საათამდე: 800 333 444;
  • ვალე დ’აოსტა: 800 122 121;
  • ლომბარდია: 800 894 545;
  • ალტო ადიჯე: 800 751 751;
  • ტრენტოს პროვინცია: 800 867 388;
  • ბოლცანოს პროვინცია: 800 7517 51;
  • ვენეტო: 800 462 340;
  • ფრიული ვენეცია ჯულია: 800 500 300;
  • ტოსკანა: 800 556 060;
  • უმბრია: 800 636 363;
  • მარკე: 800 936 677;
  • ემილია-რომანია: 800 033 033;
  • კამპანია: 800-909-699.

მსოფლიოში კორონავირუსით 95 000 ადამიანზე მეტია დაინფიცირებული, გარდაცვლილთა რაოდენობა კი 3 200 ადამიანზე მეტია. ვირუსი მსოფლიოს 84 ქვეყანაშია გავრცელებული. გამოჯანმრთელებული პაციენტების რაოდენობა 53 688-ია.

ამ ეტაპზე საქართველოში კორონავირუსით ინფიცირების 4 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს. ამასთანავე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: