დაავადებათა კონტროლის ცენტრის ცხელი ხაზი 116 001

კორონავირუსის გავრცელების გამო საქართველოს პარლამენტის შენობაში ეპიდემიური კონტროლის ზომებს შეუერთდა. პარლამენტის პრესსამსახურის ფოტოებში ჩანს, რომ შენობის დერეფნები სპეციალური ხსნარით დაამუშავეს.

განცხადებაში ნათქვამია, რომ პერიოდულად დაამუშავებენ იმ ზედაპირებს, რომელთანაც ადამიანებს ხშირი შეხება აქვთ.

შენობის შემოსასვლელებში, ასევე იმ ადგილებში, სადაც საზოგადოება იკრიბება, დამონტაჟდა სპეციალური დისპენსერები სადიზენფექციო ხსნარებით.

კორონავირუსის პრევენციის მიზნით სადეზინფექციო სამუშაოები ჩატარდათბილისის მიწისქვეშა გადასასვლელებში.

პირველ მარტს კორონავირუსის გავრცელების პრევენციისთვის უწყებათაშორისი საკოორდინაციო საბჭომ გასცა რეკომენდაცია, რომ საზოგადოებრივი თავშეყრის ადგილებში ხალხმრავალი ღონისძიებები გაუქმდეს.

საბავშვო ბაღებსა და სკოლებში სასწავლო პროცესი 16 მარტამდე შეწყდება. ამ ხნის განმავლობაში კი შენობებში დეზინფექცია ჩატარდება. ამასთანავე დეზინფექცია ჩაუტარდა თბილისის საზოგადოებრივ ტრანსპორტს.

საქართველოში ამჟამად კორონავირუსის სამი შემთხვევაა დაფიქსირებული. კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე კი — 29 თებერვალს.

ვირუსის პირველი შემთხვევა დაუდგინდა საქართველოს მოქალაქეს, რომელიც აზერბაიჯანის გავლით ირანიდან შემოვიდა ქვეყანაში. მეორე კი — პირს, რომელმაც ჩრდილოეთ იტალიაში იმოგზაურა. ჯანდაცვის მინისტრის თქმით, პირველი ინფიცირებული საბაჟოდან პირდაპირ ინფექციურ საავადმყოფოში გადაიყვანეს, მეორე ინფიცირებულზე კი ახლა ადგენენ, ვისთან ჰქონდა კონტაქტი. მესამე დაინფიცირებულიც საქართველოს მოქალაქეა, რომელიც ირანიდან შემოვიდა ქვეყანაში. პაციენტს კონტაქტი ჰქონდა პირველ დაინფიცირებულ პაციენტთან, რომელიც ასევე აზერბაიჯანის გავლით, ირანიდან შემოვიდა საქართველოში.

ამავე თემაზე:

გაიგეთ მეტი კორონავირუსის პრევენციის შესახებ: