თბილისის მერიის კომპანია თბილსერვის ჯგუფი ვაკისთვის მიწისქვეშა ნაგავშემკრებ ბუნკერებს ყიდულობს და თითოში 31,7 ათასი ლარის გადახდას აპირებს. ამ ეტაპზე ტენდერი 3მ³-ის მოცულობის 50 კონტეინერის შესაძენად არის გამოცხადებული.

ტენდერის საწყისი ღირებულება 1 585 000 ლარია, რაც შესაძლოა, შემცირდეს. წინადადებების მიღება 18 მარტს იწყება და 23 მარტს სრულდება.

ვაკეში დასამონტაჟებელი ბუნკერების ნიმუში

ფოტო: თბილსერვის ჯგუფი

თბილისის მერიამ მსგავსი ბუნკერები რამდენიმე თვის წინაც იყიდა. მაშინ 90 ერთეულ 3მ³-ის მოცულობისა და 21მ³-ის ამწეში 3 322 000 ლარი დაიხარჯა.

თბილსერვის ჯგუფი სახელმწიფო კომპანიაა, თუმცა, როგორც შესყიდვების სააგენტოსთვის მიწოდებულ ინფორმაციაშია აღნიშნული, ამ ხარჯს საკუთარი შემოსავლებიდან გაიღებს. მისი შემოსავალი მოქალაქეების მიერ გადახდილი დასუფთავების მოსაკრებელია.