შინაგან საქმეთა სამინისტროს ცნობით, ოჯახში ძალადობის ბრალდებით 1982 წელს დაბადებული პირი დააკავეს. შემთხვევა ქობულეთის მუნიციპალიტეტის დაბა ჩაქვში მოხდა.

გამოძიების ვერსიით, დაკავებულმა ჩაქვში, ურთიერთშელაპარაკებისას, ცოლს სიტყვიერი და ფიზიკური შეურაცხყოფა მიაყენა. ოჯახში ძალადობის ფაქტზე გამოძიება საქართველოს სისხლის სამართლის კოდექის 126¹ მუხლის პირველი ნაწილით მიმდინარეობს. ამ მუხლით დანაშაული ორ წლამდე ვადით თავისუფლების აღკვეთას ითვალისწინებს.