დღეს გამართულ მთავრობის სხდომაზე პრემიერმინისტრმა, გიორგი კვირიკაშვილმა განაცხადა, რომ ასოცირების ხელშეკრულების ფარგლებში, ევროკავშირი საქართველოს მმართველობითი რეფორმისთვის 30 მილიონი ევროს ოდენობის გრანტს გამოუყოფს:

"ხელშეკრულება სრულდება 30 მილიონი ევროს დახმარების თაობაზე, ევროკავშირი საქართველოსთვის. მმართველობითი რეფორმა არის ჩვენი ოთხ პუნქტიანი გეგმის ერთ-ერთი მნიშვნელოვანი მიმართულება და ძალიან მისასალმებელია, რომ ევროკავშირი ამ მიმართულებით სპეციალურ დახმარებას გამოყოფს და ეს კიდევ ერთხელ ხაზს უსვამს ასევე იმას, თუ რამდენად მნიშვნელოვანია ევროპული ტიპის მმართველობითი ინსტიტუციების ჩამოყალიბება საქართველოში. ძალიან დიდი ძალისხმევის გაწევა მოგვიხდება ამ მიმართულებით იმისთვის, რომ ასოცირების ხელშეკრულებით გათვალისწინებული ვალდებულებები სრულად შესრულდეს".