თბილისის მერი, კახა კალაძე ამბობს, რომ დედაქალაქს ევროპაში ერთ-ერთი საუკეთესო საახალწლო განათებები აქვს. მერმა დღეს, 26 დეკემბერს თბილისის ნაძვის ხეზე კრიტიკას ჟურნალისტებთან უპასუხა:

"ოპოზიცია ისეთ ფსკერზეა, მათი მხრიდან ნამდვილად ყველაფერი იყო მოსალოდნელი, თუმცა ნამდვილად არ მეგონა, თუ ახალი წელიც პოლიტიზირებული იქნებოდა. გაერთონ დატკბენ გალამაზებული ქალაქით, როგორც არის საახალწლოდ მოწყობილი".

2019 წლის ნაძვის ხე თბილისის მერიამ ტენდერით იყიდა. ტენდერში იტალიურმა კომპანია IDO SRL-მა გაიმარჯვა, ამ კომპანიის წარმოებული სათამაშოებით გაფორმდა თბილისის ქუჩების ნაწილი. ნაძვის ხეს, რომელიც ბიუჯეტს მილიონ ლარამდე უჯდება, ერთწლიანი გარანტია აქვს.

თბილისის საახალწლო ნაძვის ხე გუშინ, 25 დეკემბერს, საზეიმოდ აინთო. ნაძვის ხის ვიზუალი სოციალურ ქსელებში კრიტიკის საგანი გახდა.

გაიგეთ მეტი: