გრიგორი კარასინთან ბოლო შეხვედრაზე განხილულ საკითხებთან დაკავშირებით, პრაღიდან დაბრუნებულმა ზურაბ აბაშიძემ ჟურნალისტებთან კომენტარი თბილისის აეროპორტში გააკეთა. მისი თქმით, თბილისში რუსულ-ქართული ბიზნეს ფორუმი გაიმართება, რომლის ინიციატორიც რუსული მხარეა:

"არის ნათქვამი, რომ რუსეთში და საქართველოში ჩატარებული არჩევნები საშუალებას იძლევა, რომ ეს დიალოგი გაგრძელდეს, რაც ფაქტის კონსტანტაციაა. ბიზნესმენების ჩამოსვლა როგორც ჩანს შედგება ალბათ ნოემბერ დეკემბერში".

მისივე თქმით, იგეგმება რუსეთის მხრიდან სავიზო რეჟიმის კიდევ უფრო გამარტივება:

"მიმდინარე წლის დასაწყისიდან საკმაოდ გამარტივდა სავიზო მოთხოვნები და რეჟიმი საქართველოს მოქალაქეებისთვის და ითქვა, რომ რუსეთის მხარე მუშაობს შემდგომ გამარტივებაზე".