ორთაჭალაში ავტოსაგზაო შემთხვევის შედეგად მძღოლი მანქანაში დაიწვა, ხოლო მგზავრი, ქალი საავადმყოფოში გადაიყვანეს.

როგორც შინაგან საქმეთა სამინისტროში On.ge-ს უთხრეს, შემთხვევა 30 ნოემბერს მოხდა. ავტომანქანა ბოძს შეეჯახა და ცეცხლი გაჩნდა.

გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ითვალისწინებს ტრანსპორტის მოძრაობის უსაფრთხოების ან ექსპლუატაციის წესის დარღვევას, რასაც მსხვერპლი მოჰყვა.