ყველაზე კეთილ უცხოპლანეტელზე გადაღებული 1982 წლის ფილმის, E.T. the Extra-Terrestrial მთავარი გმირი მადლიერების დღეს დედამიწაზე დაბრუნდა. E.T. კვლავ ელიოტის (ჰენრი ტომასი) ოჯახს მიაშურებს, თუმცა 37 წლის შემდეგ მას პატარა ბიჭის ნაცვლად ზრდასრული კაცი, მისი ოჯახი და შვილები დახვდნენ.

დედამიწაზე დაბრუნებული ითი ყვავილებს ისევ აცოცხლებს, ნამცხვრებს მიირთმევს, VR კამერას ეცნობა და ელიოტის შვილებთან ერთად ველოსიპედით საფრენადაც მიეშურება. გამგზავრებამდე კი პატარა ბიჭს გულზე თითით მიანიშნებს, რომ იქ სამუდამოდ დარჩება. თუმცა ითის კოსმოსში გაუჩინარების შემდეგ, ელიოტის ოჯახი აღმოაჩენს, რომ უცხოპლანეტელმა მათ ის მოწყობილობა დაუტოვა, რითიც ის ფილმში ოჯახს უკავშირდებოდა.

1982 წელს, ითის გამგზავრების შემდეგ, სამყარომ ტექნოლოგიური ცვლილებები განიცადა, თუმცა მისი და ელიოტის მეგობრობა კვლავ ძლიერია. საშობაო რეკლამა, რომელიც Xfinity-ს ეკუთვნის, გვახსენებს, რამდენად მნიშვნელოვანია დღესასწაულებზე მეგობრების გახსენება.