ბოლო პერიოდში ამერიკულ კინოში ხშირად გვხვდება ძველი, კლასიკური ფილმების რიმეიქები, რაც ხშირად ჩვენი გაბრაზების და გაღიზიანების მიზეზი ხდება. თუმცა, ამ შემთხვევაში, არ უნდა დაგვავიწყდეს, რომ ასეთი ამბები არამხოლოდ კინოკომპანებისთვის არის ფულის შოვნის კარგი საბადო, არამედ მაყურებელს კიდევ ერთხელ ახსენებს კარგად მივიწყებულ ძველ ფილმს.

ამ შემთხვევაში, ჰოლივუდის კინოსამყაროში იმსჯელეს და გადაწყვიტეს, რომ რომაული არდადეგების რიმეიქი გადაიღონ.

რომაული არდადეგები რეჟისორ უილიამ უაილერის რომანტიკული კომედიაა, რომელიც ახალგაზრდა პრინცესასა და ამერიკელი რეპორტიორის ისტორიას აღწერს. ეს იყო პირველი მნიშვნელოვანი როლი ლეგენდარული ოდრი ჰეპბერნისთვის, რომელმაც მას ოქროს გლობუსი და ოსკარი მოუტანა.

თავდაპირველად ფილმი ფრენკ კამპას უნდა გადაეღო, ხოლო მთავარი როლები კერი გრანტს და ელიზაბეთ ტეილორს უნდა შეესრულებინათ. თუმცა საბოლოოდ ფილმზე სამუშაოდ უილიამ უაილერი მიიწვიეს, რომელმაც მთავარი როლები ოდრი ჰეპბერნსა და გრეგორი პეკს მისცა.

ფილმის ახალ ვერსიაზე ჯერ როლები გადანაწილებული არ არის, თუმცა ვრცელდება ინფორმაცია, რომ ერთ-ერთ როლს ფილმში რობერტ დე ნირო შეასრულებს.