შინაგან საქმეთა სამინისტროს ცნობით, ტრანსგენდერი ქალის მკვლელობის მცდელობაში ბრალდებული დაკავებულია. აღნიშნული On.ge-ს შსს-ს პრესსამსახურმა დაუდასტურა. უწყება ჯერჯერობით დამატებით დეტალებს არ ასაჯაროვებს.

გამოძიება 19-108, გაზრახ მკვლელობის მცდელობის მუხლით მიმდინარეობს.

14 ოქტომბერს, საღამოს 9 საათზე ორთაჭალის ტერიტორიაზე ტრანსგენდერ ქალს თავს დაესხნენ. დაზიანებები დაზარალებულს ცივი იარაღითა და ბლაგვი საგნით აქვს მიყენებული. იგი ამ დროისთვის მძიმე მდგომარეობაშია.

ტრანსგენდერი ქალის ცემის ფაქტის გასაპროტესტებლად და სიძულვილით მოტივირებულ დანაშაულების პრევენციის მიზნით ქმედითი ზომების გატარების მოთხოვნით, შსს-ს შენობასთან დღეს, 16 ოქტომბერს აქცია გაიმართა.

მანამდე, აღნიშნულს გამოეხმაურა სახალხო დამცველიც. მან პროკურატურას მოუწოდა, რომ ჩაატაროს ყოვლისმომცველი, სრული და ობიექტური გამოძიება. ასევე, საგამოძიებო პროცესი წარმართოს სავარაუდო სიძულვილის მოტივის გამოკვეთის მიმართულებით.