დრონით გადაღებულმა ფოტომ, რომელიც ავტორმა Twitter-ზე ატვირთა, ადამიანის სიცოცხლე იხსნა.

საქმე ისაა, რომ რამდენიმე დღის წინ ჩრდილოეთ კაროლინაში წყალდიდობა მოხდა, რის შედეგადაც უამრავი დასახლებული პუნქტი განადგურდა და წყლით დაიფარა. ერთ-ერთი ასეთი სახლი კრისის იყო.

კრეგ უილიამსმა ტვიტერზე ატვირთული ფოტო შეამჩნია და თავის ძმას, კრისს გაუგზავნა. კრეგი ამბობს: „ფოტოზე ვხედავდი მიწასთან გასწორებულ სამეზობლოსა და არემარეს. მხოლოდ სახლის სახურავები ჩანდა. ეს ფოტო ჩემს ძმას გავუგზავნე ხუმრობის ნიშნად, რომ მეთქვა შენ ასეთ მდგომარეობაში მაინც არ ხარ-მეთქი, რა დროსაც მან მიპასუხა - ეს ჩემი სახლიაო.“

კრეგი სასწრაფოდ დაუკავშირდა ფოტოს ავტორს, იმ იმედით, რომ დრონის პატრონი დაეხმარებოდა კრისსა და მის ძაღლს დატბორილი სახლიდან გამოსვლაში.

კრეგი იხსენებს: „საოცარი ის იყო, რომ ფოტო, რომელიც ვნახე სულ რამდენიმე წუთის ატვირთული იყო. ვიფიქრე, თუ ეს ბიჭი ახლა ირგვლივ კიდევ იღებს, ნავი ან რაიმე მსგავსი აუცილებლად ექნება-მეთქი.“

აღმოჩნდა, რომ დრონის პატრონს ნავი არ ჰქონდა, თუმცა მან შეძლო სამაშველო რაზმთან დაკავშირება და სამაშველო ოპერაციის გადაღებაც მოახერხა.

„კერგმა მითხრა დრონის პატრონს ვგზავნი შენთან ნავითო. ჩემთვის გავიფიქრე - ეს ახლა მეხუმრება-მეთქი? არ მჯეროდა, მაგრამ სიმართლე აღმოჩნდა. რამდენიმე წუთში დრონი ჩემს თვალწინ დაფრინავდა, სამაშველო რაზმიც იქ იყო.“ - ამბობს კრისი.