შთამბეჭდავი ფოტოები, რომლებიც გასული საუკუნის 60-იან წლებში გამოგზაურებთ

ტონი რეი-ჯონსი ცნობილი ფოტოგრაფია, რომელმაც მეოცე საუკუნის 60-იან წლებში ინგლისში იმოგზაურა და თავისი კამერით შთამბეჭდავი კადრები აღბეჭდა. ის 1972 წელს ლეიკემიის დიაგნოზით ადრეულ ასაკში, სულ რაღაც 30 წლისა გარდაიცვალა, თუმცა მაინც მოახერხა, რომ თავისი ცხოვრების მოკლე მანძილზე ფოტოგრაფიის ისტორიაში თავისი კვალი დაეტოვებინა.

"ფოტოგრაფია სარკეა, რომელსაც ცხოვრების ასახვა შეუძლია", — წერდა რეი-ჯონსი. მას სურდა თავისი თანამედროვე სამყაროს ყოფითი დეტალები ისე ეჩვენებინა, როგორც ამას თავად ხედავდა. ის გრძნობდა, რომ ის, რაც 60-იან წლებში ხდებოდა, შესაძლოა ადამიანებს მალე დავიწყებოდათ და მათი კვალიც სამუდამოდ გამქრალიყო. ამიტომ მან ეს ყველაფერი თავის ფოტოობიექტივში მოაქცია და ისტორიას შემოუნახა.

ტონი რეი-ჯონსი შთაგონებული იყო თავისი თაობის ქუჩის ფოტოგრაფებით, რომლებიც ნიუ-იორკში ცხოვრების დროს გაიცნო და თავადაც ეს მიმდინარეობა აირჩია.

"ვცადე მეჩვენებინა ის სევდა და იუმორი, რომლითაც ადამიანები ერთდროულად არიან მოცულნი. ჩემს სურათებზე გამოსახული სიტუაციები ხანდახან ძალიან გაურკვეველი და არარეალური ჩანს, რადგან მათი ზოგიერთი დეტალები ერთმანეთთან შეუთავსებელია, თუმცა ეს მაინც სრული რეალობაა. ეს ადამიანები ნამდვილები არიან", - წერდა ფოტოგრაფი.

ამ სტატიაში სწორედ იმ შესანიშნავი ფოტოების დათვალიერება შეგიძლიათ, რომლებიც ძირითადად 1966-1969 წლებშია გადაღებული და იმდროინდელი ინგლისის ცხოვრებას დამთვალიერებლის გონებაში ზედმიწევნით აცოცხლებს.