მშვიდობის გამზირზე ერთმანეთს სასწრაფო დახმარების და პოლიციის ავტომობილები შეეჯახა.

შემთხვევის დროს, სასწრაფო დახმარების ბრიგადას 60 წელს გადაცილებული მამაკაცი კლინიკაში გადაჰყავდა. მომხდარის გამო სხვა ბრიგადის გამოძახება გახდა საჭირო, რომლითაც პაციენტი სამხედრო ჰოსპიტალში უნდა გადაეყვანათ, თუმცა კლინიკაში მიყვანამდე იგი გარდაიცვალა.

"ინტერპრესნიუსის" ცნობით, გარდაცვლილის ახლობლები ამბობენ, რომ მამაკაცი ონკოპაციენტი იყო და მძიმე ჯანმრთელობის მდგომარეობა ჰქონდა — ამის გამო მოხდა სასწრაფოს გამოძახებაც.

აღნიშნულ ინციდენტზე გამოძიებაა დაწყებული, ხოლო შემთხვევის ადგილზე საგამოძიებო მოქმედებები მიმდინარეობს.