ფინეთისა და ესტონეთის დამაკავშირებელი ელექტროენერგიის გადამცემი წყალქვეშა კაბელი დაზიანდა. ამის შესახებ ინფორმაციას Reuters ავრცელებს და წერს, რომ ფინეთის პოლიციამ გამოძიება დაიწყო, კაბელის დაზიანებაში მონაწილეობდა თუა რა უცხო ქვეყნის გემი.

"პოლიცია, სასაზღვრო დაცვასთან და ხელისუფლების სხვა ორგანოებთან თანამშრომლობით, ინციდენტის მოვლენათა ჯაჭვს იძიებს", — ნათქვამია ფინეთის პოლიციის განცხადებაში.

ამასთან, პოლიციაში აცხადებენ, რომ გამომძიებლების მიერ უცხოური გემის პოტენციური როლის გამოკვლევა მიმდინარეობს, თუმცა არ აკონკრეტებენ, რომელ გემს გულისხმობენ.

გამოცემა, ფინეთის ელექტროგადამცემი ქსელის ოპერატორზე, Fingrid-ის განცხადებით ავრცელებს, რომ 658 მეგავატი სიმძლავრის ინტერკონექტორი Estlink 2 ხაზგარეშე რჩება და ამ დროისთვის ორ ქვეყანას შორის მხოლოდ 358 მეგავატიანი Estlink 1 მუშაობს.

ცნობისთვის, 2022 წელს ააფეთქეს იმავე წყლებში გამავალი "ჩრდილოეთის ნაკადის" გაზსადენები. გერმანიის მხრიდან აღნიშნულ საქმეზე გამოძიება კვლავ მიმდინარეობს.