შობას ყველას გილოცავთ, მათ შორის ჩინეთის შესანიშნავ ჯარისკაცებს, რომლებიც სიყვარულით, მაგრამ არალეგალურად პანამის არხს მართავენ, – ამის შესახებ აშშ-ის არჩეულმა პრეზიდენტმა, დონალდ ტრამპმა სოციალურ პლატფორმა Truth Social-ზე დაწერა.

"შობას ყველას გილოცავთ, მათ შორის ჩინეთის შესანიშნავ ჯარისკაცებს, რომლებიც სიყვარულით, მაგრამ არალეგალურად პანამის არხს მართავენ (სადაც 110 წლის წინ მისი მშენებლობისას 38 000 ადამიანი დავკარგეთ)", – წერს დონალდ ტრამპი.

დონალდ ტრამპმა შობა კანადის პრემიერ-მინისტრ, ჯასტინ ტრუდოს მიულოცა და მას "კანადის გუბერნატორი" უწოდა.

"ასევე, კანადის გუბერნატორს, ჯასტინ ტრუდოს, რომლის მოქალაქეებიც მაღალ გადასახადებს იხდიან, მაგრამ თუ კანადა ჩვენი 51-ე შტატი გახდება, მაშინ მათი გადასახადები 60%-ზე მეტით შემცირდება", — დაწერა ტრამპმა.