თბილისის მერის შშმ პირთა საკითხებზე მომუშავე საბჭოს აღმასრულებელი მდივანი, გიგა სოფრომაძე, სავარაუდოდ, პოლიტიკური ნიშნით სამსახურიდან გაათავისუფლეს.

ამის შესახებ გიგა სოფრომაძე სოციალურ ქსელში წერს.

"სამსახურიდან გამათავისუფლეს. 8 წლიანი მუშაობის შემდეგ აღმოჩნდა, რომ ის საქმე, რასაც აქამდე ვაკეთებდი, აღარ ყოფილა საჭირო... არ ვიცი რა ვთქვა, არ ვიცი მეწყინოს თუ გავბრაზდე, მაგრამ კითხვები მაქვს...

რა უნდა მითხრან, რით უნდა დამემუქრონ, რამდენი უნდა გადამიხადონ, რომ არამც თუ ჩემს თანამშრომელზე, არამედ ვინმეზე რამე ზედმეტი დავწერო?!

თქვენს, მკადრებლების და მომწონებლების "ღირსებაზე" იყოს", — წერს იგი Facebook-ზე.

ცნობისთვის, გიგა სოფრომაძე აქტიურად მონაწილეობდა გასულ დღეებში გამართულ პროევროპულ საპროტესტო აქციებში.