გერმანიის ფედერალური საგარეო საქმეთა სამინისტრომ X-ზე ახლახან 3 პოსტი გამოაქვეყნა, სადაც წერენ, რომ ქართული ოცნების ხელისუფლების წინააღმდეგ გერმანია დამატებითი ზომების მიღებას განიხილავს და მმართველ პარტიაში პასუხისმგებელ პირებს მოუწოდებენ, ყველაფერი გააკეთონ ქვეყანაში ღრმა პოლიტიკური კრიზისის დასასრულებლად.

"ჩვენ, როგორც ევროკავშირის წევრი ქვეყანა, განვიხილავთ დამატებითი ზომების მიღებას. ახლა ქართული ოცნების პასუხისმგებელ პირებს ევალებათ ყველაფერი გააკეთონ ღრმა პოლიტიკური კრიზისის დასასრულებლად, ნდობის აღსადგენად და ქართველებისთვის რეალური პერსპექტივის შეთავაზებისთვის", — წერს გერმანიის ფედერალური საგარეო საქმეთა სამინისტრომ X-ზე.

კიდევ ერთ პოსტში გერმანიის საგარეო უწყება წერს, რომ ქართული ოცნება სერიოზულ საფრთხეს უქმნის ათწლეულების განმავლობაში საქართველო-გერმანიის პარტნიორობას.

"პარტია ქართული ოცნება სერიოზულ საფრთხეს უქმნის ათწლეულების განმავლობაში საქართველო-გერმანიის პარტნიორობას. შედეგად, ჩვენ შევამცირეთ ჩვენი თანამშრომლობა ქვეყნის ხელისუფლებასთან და შევაჩერეთ 200 მილიონ ევროზე მეტი ღირებულების მხარდაჭერის პროექტები. ახლა დარჩენილია პროექტების ¼", — წერს საგარეო უწყება X-ზე.

გერმანიის საგარეო საქმეთა სამინისტრომ საქართველოში მიმდინარე აქციებსაც ეხმაურება და წერენ,რომ ქართველი ხალხის უმრავლესობას სურს, რომ მათმა ქვეყანამ გააგრძელოს ევროპული გზა, მაგრამ „ქართული ოცნება“ დაშინებითა და ძალადობით რეაგირებს.

"კვირების განმავლობაში, ათიათასობით ქართველი საქართველოში გაბედულ დემონსტრაციას მართავენ ევროპული მომავლისთვის. ქართველი ხალხის უმრავლესობას სურს, რომ მათმა ქვეყანამ გააგრძელოს ევროპული გზა, მაგრამ „ქართული ოცნება“ დაშინებითა და ძალადობით რეაგირებს", — ვკითხულობთ X-ზე.