IPM Market Intelligence Caucasus-ის კვლევის მიხედვით გამოკითხულთა 46% საქართველოს პრეზიდენტად სალომე ზურაბიშვილს მიიჩნევს, 22% — მიხეილ ყაველაშვილს, არც ერთს — 16%, არ ვიცი/უარი — 16%.

ამავე კვლევის მიხედვით, გამოკითხულთა 32% ერთხელ მაინც არის მიმდინარე საპროტესტო აქციებზე ნამყოფი;

ყველაზე ცნობადი საქართველოს კუთხეების წარმომადგენლების მარშია (49%), მას მოსდევს სტუდენტური მარში (45%), სხვადასხვა პროფესიების წარმომადგენლების მარშები (34%), ბებია-ბაბუების მარშები (31%), ემიგრანტების მარში (31%), ვეტერანების მარში (30%), მასწავლებლების მარში (30%), ფერმერების მარში (26%), დევნილების მარში (26%), საფეხბურთო ფან-კლუბების მარში (25%), კომაროველების და ვეკუელების საერთო მარში (25%), სამეზობლო მარში (24%).

IPM კვლევა

IPM კვლევა

გამოკითხულთა 64% მიიჩნევს, რომ მსგავსი ტიპის მსვლელობები მნიშვნელოვან როლს ასრულებს მიმდინარე პროცესებში;

აქციების დროს დაკავებულთა გათავისუფლებას გამოკითხულთა უმრავლესობა 72% უჭერს მხარს.

სატელეფონო გამოკითხვა ჩატარდა მთელი საქართველოს მასშტაბით 24-25 დეკემბრის ინტერვალში. გამოიკითხა 18+ ასაკის 800 მოქალაქე. კვლევის ცდომილება 95% ნდობის ინტერვალში არ აღემატება +/- 3%-ს