ჰოლიდეი ინში ამერიკულ-ქართული განათლების ცენტრმა LEAF რიგით მეორე განათლების გამოფენას უმასპინძლა. პირველი გამოფენა 2019 წლის გაზაფხულზე გაიმართა და მასში მონაწილე მოსწავლეებისა და სტუდენტების სააპლიკაციო პროცესი ამ ეტაპზე მიმდინარეობს.

გამოფენაზე სხვადასხვა კონტინენტებიდან 24 უნივერსიტეტი იყო წარმოდგენილი. აქედან 6 უნივერსიტეტის მოწვეული წარმომადგენელი და LEAF-ის განათლების კონსულტანტები სტუდენტებს ინფორმაციას უზიარებდნენ როგორც საბაკალავრო, ისე სამაგისტრო პროგრამების შესახებ და ახალგაზრდების კითხვებზე ამომწურავ პასუხებს სთავაზობდნენ.

მარიამ მაღლაკელიძე, სტუდენტი:

გამოფენაზე იმ მოლოდინებით და იმედით მოვედი, რომ ახალს, საინტერესოს და ჩემთვის "შესაფერისს" აღმოვაჩენ, რადგან უცხოეთში განათლების მიღების იმაზე მეტი შესაძლებლობაა, ვიდრე ქვეყნის შიგნით. კარგია, რომ არსებობს ბევრი ისეთი ქვეყანა, სადაც დაფინანსების მოპოვების საშუალება არსებობს და საერთაშორისო ასპარეზზე შეგვეძლება ჩვენი თავი ვიპოვოთ, გამოვავლინოთ, ვისწავლოთ, რაღაცები შევქმნათ და ა.შ. ყველაზე მეტად დამაინტერესა ამერიკის უნივერსიტეტმა, რადგან ჩემთვის პირადი სუბიექტური შეხედულებების გამო, ამერიკისკენ მიმიწევს გული. ზოგადად, იდეა და თვითმიზანი აქ თავშეყრის ძალიან მომწონს.

ფოტო: LEAF

ალექსანდრე სმოევი, სტუდენტი:

Leaf-ის შესახებ On.ge-დან გავიგე. ჩემი მოლოდინები ამ გამოფენაზე ყველაფერი შესრულდა. შევხვდი უნივერსიტეტების წარმომადგენლებს, ჩემთვის საინტერესო კითხვები დავუსვი. განსაკუთრებით მარკეტინგი მაინტერესებდა და ამის გარშემო ტრიალებდა ჩემი ინტერესი. დუბაის უნივერსიტეტი იყო ძალიან კარგი.

ფოტო: LEAF

გამოფენაზე შემდეგი უნივერსიტეტები იყვნენ წარმოდგენილნი:

  1. მიდლსექსის უნივერსიტეტი;
  2. EU ბიზნეს სკოლა;
  3. პადოვას უნივერსიტეტი;
  4. TIO-ს უნივერსიტეტი;
  5. ვიტენბურგის უნივერსიტეტი;
  6. ვილნიუსის უნივერსიტეტი;
  7. KTU - Kaunas University of Technology;
  8. MRU - Mykolas Romeris University;
  9. Schiller International University;
  10. IUBH University of Applied Sciences;
  11. European School of Economics;
  12. Rotterdam University of Applied Sciences;
  13. Solbridge International School of Business;
  14. Saxion University of Applied Sciences;
  15. Budapest Metropolitan University;
  16. Riseba University;
  17. Quasar Institute for Advanced Design;
  18. LUISS Business School;
  19. Webster University;
  20. State University of New York - Oswego;
  21. BAU International University Washington D.C.;
  22. Oregon State University;
  23. Marshall University;
  24. University of South Florida.

ამ უნივერსიტეტების არჩევის შემთხვევაში, LEAF სტუდენტებს აპლიკაციის შევსებაში უფასო დახმარებას ჰპირდება.

გივი გუნცაძე, LEAF-ის გენერალური დირექტორი:

ჩვენი ორგანიზაცია გამოფენას მეორედ ატარებს, ჩვენი მიზანია მეტ მოსწავლეს მივაწოდოთ ინფორმაცია საზღვარგარეთ სწავლის შესაძლებლობის შესახებ - იქნება ეს დაფინანსების პროგრამები, მოკლეხნიანი კურსები თუ სრუფლასოვანი საუნივერსიტეტო პროგრამები. მიგვაჩნია, რომ ქართველი ახალგაზრდები არ არიან საკმარისად ინფორმირებულები, რადგან ბევრი შესაძლებლობაა იმის, რომ საზღვარგარეთ წავიდეს მოსწავლე და საკმაოდ მისაღებ ფასებში ისწავლოს, ან მიიღოს დაფინანსება, მათ შორის სრული. ამ განათლების გამოფენის მიზანია სწორედ ეს ინფორმაცია მივაწოდოთ უნივერსიტეტების წარმომადგენლების მეშვეობით და ჩვენი განათლების კონსულტანტების დახმარებით.

ფოტო: LEAF

LEAF-ის შესახებ

ამერიკულ-ქართული განათლების ცენტრი LEAF-ის მოსწავლეების 80%-ზე მეტი მსოფლიოს წამყვან უნივერსიტეტებში სრულ ან ნაწილობრივ დაფინანსებას იღებს. ცენტრი 2008 წლიდან წარმატებით ეხმარება მსურველებს ინგლისურენოვან საბაკალავრო თუ სამაგისტრო პროგრამებზე საზღვარგარეთ ჩაბარებაში.

LEAF საერთაშორისო საგანმანათლებლო ორგანიზაციის ICEF-ის მიერ აღიარებული განათლების ცენტრია. ცენტრს მუდმივი კომუნიკაცია აქვს მსოფლიოს უნივერსიტეტებთან და სკოლებთან და ფლობს განახლებად ინფორმაციას საერთაშორისო ტესტებისა და მიღების კრიტერიუმების შესახებ.

ფოტო: LEAF

LEAF-ის სერვისები

განათლების ცენტრში მოსწავლეებს შესაძლებლობა აქვთ, მოემზადონ ისეთი საერთაშორისო ტესტებისთვის, როგორიცაა SAT, TOEFL, IELTS, FCE. ისინი გაივლიან ინგლისური ენის კურსებსაც.

კონსულტაციების დეპარტამენტს უძღვება გიორგი ჩავლეიშვილი, რომელსაც 10-წლიანი გამოცდილება აქვს College Counseling-ში და მისი დახმარებით სრული ან ნაწილობრივი დაფინანსებით ასობით მოსწავლე მსოფლიოს საუკეთესო უნივერსიტეტებში სწავლობს.