2019 წლის მასწავლებლის ეროვნული ჯილდოს მფლობელი მარნეულის #2 საჯარო სკოლის ქართული, როგორც მეორე ენის და ისტორიის მასწავლებელი, გიორგი ჭაუჭიძე გახდა. მას ფულადი პრიზის სახით კამპანიის გენერალურმა სპონსორმა, გუდავაძე- პატარკაციშვილის ფონდმა 10 ათასი ლარი გადასცა, ხოლო ბაქსვუდის საერთაშორისო სკოლა მასწავლებელს დიდ ბრიტანეთში პროფესიული განვითარების 2-კვირიან პროგრამას დაუფინანსებს.

მასწავლებლის ეროვნული ჯილდო განათლების კოალიციის ინიციატივით და მასწავლებელთა პროფესიული განვითარების ეროვნულ ცენტრთან პატრნიორობით უკვე მესამედ ხორციელდება და ის მასწავლებელთა პოპულარიზაციისკენ მიმართული გლობალური კამპანიის – The Global Teacher Prize ნაწილია.

განათლების სამინისტროს ცნობით, მასწავლებლის ეროვნული ჯილდოს შესარჩევ კონკურსში წელს 127 მასწავლებელი ჩაერთო. უწყების განცხადებით, მათგან საუკეთესო განათლების სფეროსა და საზოგადოების წარმომადგენლებით დაკომპლექტებულმა ჟიურიმ შეარჩია.