საქართველოს პრეზიდენტმა, სალომე ზურაბიშვილმა პირად ფეისბუქგვერდზე Balenciaga-ს ახალ კოლექციაზე სტატია გააზიარა და ფეისბუქფრენდებს კითხვა დაუსვა: "რომელი ჩავიცვა ... სკანდალის გარეშე????"

პრეზიდენტმა რამდენიმე რჩევა მიიღო, თუმცა მხოლოდ ერთს, ისტორიკოს გრიგოლ გეგელიას კომენტარს გამოეხმაურა, რომელმაც "ნეიტრალური ანგელოზის" ლუქი ურჩია.

სავარაუდოდ, ამ ფორმით პრეზიდენტმა გააპროტესტა ის კრიტიკა, რაც მის ჩაცმულობას მოყვა საზოგადოების ნაწილში, ამერიკაში ვიზიტის დროს.

ის ლუქები, რომელსაც საქართველოს პრეზიდენტი განიხილავს BALENCIAGA SUMMER 20 SHOW-ზე წარადგინეს. ბალენსიაგას კრეატიული დირექტორი ქართველი დიზაინერი დემნა გვასალიაა.