დღეს, 27 სექტემბერს სოხუმის დაცემის დღესთან დაკავშირებით ამერიკის შეერთებული შტატების საელჩო საქართველოში წერს, რომ აშშ აგრძელებს მათი მეგობრის, საქართველოს გვერდში დგომას:

"26 წელი გავიდა 1993 წლის 27 სექტემბერს სოხუმის დაცემის დღიდან.
ჩვენ პატივს მივაგებთ ათობით ათასი დაღუპულის ხსოვნას და ასობით ათას ადამიანს, რომელმაც იძულებით დატოვა სახლ-კარი...ვიზიარებთ ამ დღის მწუხარებას".

აშშ-ს საელჩოს წარმომადგენლებმა სოხუმის დაცემის დღესთან დაკავშირებით, საქართველოს ტერიტორიული მთლიანობისთვის ბრძოლაში დაღუპულთა მემორიალი გვირგვინით შეამკეს. მემორიალთან მივიდნენ ასევე აღმასრულებელი და საკანონმდებლო ხელისუფლების წარმომადგენლები.