ჰონგ-კონგის საერთაშორისო აეროპორტში ყველა ფრენა გაუქმდა მას შემდეგ, რაც ანტისამთავრობო აქციის მონაწილეებმა პოლიციის ძალადობის შესახებ მსოფლიოსთვის მოსაყოლად აეროპორტის ტერიტორია დაიკავეს.

ახლობლებისა და მეგობრების ღიმილის ნაცვლად, ჰონგ-კონგში ჩამოსულ მგზავრებს აეროპორტში ათასობით აქტივისტი ხვდებათ, რომლებიც სკანდირებენ: "იბრძოლე ჰონგ-კონგისთვის, იბრძოლე მშვიდობისთვის".

მათ უმეტესობას ანტისამთავრობო მოძრაობისთვის დამახასიათებელი შავი სამოსი აცვია, ზოგიერთი ჩაფხუტებსა და გაზისგან დამცავ ნიღბებს ატარებს.

პროტესტის მონაწილეების უმეტესობამ ორშაბათს ახალი "აქსესუარი" დაიმატა. ისინი იხვევენ ცალ თვალს, რათა სოლიდარობა გამოუცხადონ ქალს, რომელმაც რეზინის ტყვიით მხედველობა დაკარგა.

ფოტო: AP

ფოტო, სადაც ქალი წევს ქვაფენილზე და სახე სისხლით აქვს მოთხვრილი სოციალურ ქსელში საოცარი სისწრაფით გავრცელდა. დემონსტრანტებმა შექმნეს ბანერი "თვალი თვალის წილ".

ფოტო: AP

ფოტო: AP

ფოტო: AP

"პოლიცია გვკლავს, აქ უსაფრთხო არაა", — ამბობენ ისინი. აეროპორტის კედლებსა და კონსტრუქციებზე აქციის მონაწილეებმა წითლად, ინგლისურ და ჩინურ ენაზე დაწერეს: "თვალი თვალის წილ".

ფოტო: AP

ფოტო: Getty Images

ფოტო: Reuters

ფოტო: Reuters

ფოტო: Reuters

ფოტო: AP

ფოტო: Getty Images

ფოტო: Getty Images

"ჰონგ-კონგის პოლიცია გაგიჟდა. ისინი ძალადობის ზღვარს გასცდნენ და დაარღვიეს წესები. ჰონგ-კონგი მალე ფეხზე დადგება და არ გვეშინია", — ამბობს აქციის 22 წლის მონაწილე.

დემონსტრანტების თქმით, აეროპორტი იმიტომ აირჩიეს, რომ ფიქრობენ, პოლიცია საერთაშორისო ვიზიტორების თვალწინ ცრემლსადენ გაზს ვერ გამოიყენებდა.

ჰონგ-კონგში, შაბათ-კვირის განმავლობაში პოლიციასა და აქციის მონაწილეებს შორის შეტაკება მოხდა. პოლიცია იყენებდა რეზინის ტყვიებსა და ცრემსადენ გაზსს. აქციის მონაწილეების ნაწილი სცემეს და დაასისხლიანეს.

ფოტო: ANTHONY WALLACE/AFP

ფოტო: KIN CHEUNG/AP PHOTO

ფოტო: Reuters

ფოტო: TYRONE SIU/REUTERS

ფოტო: MANAN VATSYAYANA/AFP

ფოტო: ERIC TSANG/HK01 VIA

ფოტო: ISSEI KATO/REUTERS

მთავრობა დემონსტრანტების პროტესტს "არალეგალურსა" და "საშიშს" უწოდებს. მათ აქციის მონაწილეებს ოფიციალურად უწოდეს "ტერორისტები". ისინი ამბობენ, რომ ეს პროტესტი უარყოფით გავლენას მოახდენს ეკონომიკასა და ყოველდღიური ცხოვრების ხარისხზე. პოლიციამ 600 ადამიანი დააკავა.

უკვე ორ თვეზე მეტია, სადავო საექსტრადაციო კანონის გამო დაწყებული დემონსტაციები აღარ წყდება. ახალი კანონის თანახმად, დაკავებულ პირს განაჩენს ჩინეთის სასამართლო გამოუტანს, რასაც ჰონგ-კონგელების დიდი ნაწილი არ ეთანხმება. დღეს აქცია მთავრობის გადადგომის მოთხოვნაში გადაიზარდა. აქციის მონაწილეები სისტემას უსამართლოსა და დაუნდობელს უწოდებენ.

ჰონგ-კონგს დიდი ბრიტანეთის კოლონიის სტატუსი 1997 წელს ჩამოერთვა და ჩინეთის შემადგენლობაში იმ პირობით შევიდა, რომ ფართო ავტონომია ექნებოდა, გარდა თავდაცვითი და საგარეო საკითხებისა, ის დამოუკიდებლად მიიღებდა გადაწყვეტილებებს.

მაშინდელი ლიდერები საზოგადოებას დაჰპირდნენ, რომ ჰონგ-კონგი, მაკაო და შეერთების შემთხვევაში ტაივანი, შეინარჩუნებდა პრინციპს — ერთი ქვეყანა, ორი სისტემა.