Scary Stories to Tell in the Dark-ის პრემიერა 9 აგვისტოს შედგება, ფილმის სცენარისტი გილერმო დელ ტოროა. პრემიერამდე რამდენიმე დღით ადრე კი ახალი ტრეილერი გავრცელდა, რომელსაც ფონად ლანა დელ რეის შესრულებული Season of the Witch გასდევს, რაზეც დელ ტორო ასეთ კომენტარს აკეთებს:

ლანას მუსიკას დიდი ხანია ვაფასებ. ალღომ მიკარნახა, რომ ის არაჩვეულებრივად შეასრულებდა Season of the Witch-ს, ვიცოდი, რომ საკუთარ ალქიმიას გამოიყენებდა და სრულიად შეცვლიდა ამ სიმღერას. ის ძალიან კარგი არტისტია, რომელმაც არაჩვეულებრივი პარტნიორობა გაგვიძია ამ თავგადასავალში. ჩემთვის პატივია, რომ მას შევხვდი.

მართალია ამ ფილმის რეჟისორი გილერმო დელ ტორო არ არის, თუმცა თუ პირველ ტრეილერს კარგად დააკვირდებით, შეატყობთ, რომ ამ ყველაფერში მისი ხელი ნამდვილად ურევია. გენიალური დელ ტორო ფილმის პროდიუსერია და წლის ყველაზე საშიშ ამბებსაც გვპირდება.

ფილმის სიუჟეტი 1968 წელს ვითარდება და თინეიჯერების შესახებ მოგვითხრობს. ისინი საზარელი მკვლელობებისა და მეგობრების გაუჩინარების ფონზე ცდილობენ იდუმალებით მოცულ არსებებს, სულებსა და მოჩვენებებს გაექცნენ.