აშშ რუსეთს სკრიპალის საქმესთან დაკავშირებით ახალ სანქციებს უწესებს. ამის შესახებ BBC წერს.

გამოცემის ცნობით, ახალი სანქციებით ვაშინგტონს რუსეთისთვის ნებისმიერი სახის კრედიტის ან სესხის გაცემა აეკრძალება. ამასთან, აშშ საერთაშორისო ფინანსური ინსტიტუტების მხრიდან რუსეთისთვის ფინანსური და ტექნიკური დახმარების გაწევის წინააღმდეგია.

ბრიტანელი სამართალდამცავების ცნობით, სკრიპალები 2018 წლის, 4 მარტს სოლსბერიში, რუსეთის სამხედრო დაზვერვის ორმა თანამშრომელმა, რუსეთში დამზადებული ნერვულ-პარალეპტიკური გაზით "ნოვიჩოკით" მოწამლეს. ყოფილი რუსი ჯაშუშის მოწამვლა დიდი პოლიტიკური სკანდალის მიზეზი გახდა. ერთი თვის შუალედში მსოფლიოს 20-ზე მეტი სახელმწიფოდან 100-ზე მეტი რუსი დიპლომატი გააძევეს. დაახლოებით ორთვიანი მკურნალობის კურსის შემდეგ ბრიტანელმა მედიკოსებმა შეძლეს სერგეი და იულია სკრიპალის გადარჩენა. ამ დროისთვის მათი ადგილმდებარეობა გასაიდუმლოებულია.

გაიგეთ მეტი: სერგეი სკრიპალის საქმე