ფორმულა კრეატივის დირექტორის, მიშა მშვილდაძის განცხადებით, მათი კომპანიის ერთ-ერთი დამფუძნებელი და პარტნიორი ზუკა გუმბარიძე მოიაზრება ახალი ტელევიზიის დირექტორად.

ზუკა გუმბარიძე სარეკლამო კომპანია ინტერმედიის დირექტორია, რომელიც რუსთავი 2-ის ქვეკონტრაქტორი სარეკლამო სახლია.

გუშინ, პირველ აგვისტოს თავდაცვის ყოფილმა მინისტრმა, დავით კეზერაშვილმა ახალი ტელევიზიის შექმნის შესახებ ფეისბუქგვერდზე დაწერა. ამ განცხადების შემდეგ ფორმულა კრეატივმა ახალი ტელევიზიის დაფუძნება ოფიციალურად დაადასტურა. მოგვიანებით კი ცნობილი გახდა, რომ ფორმულა კრეატივი ტელევიზიას თავდაცვის ყოფილ მინისტრთან, დავით კეზერაშვილთან ერთად ქმნის.