რუსთავი 2-ის დამფუძნებელი დავით დვალი ფიქრობს, რომ გამარჯვებული საქართველოს ლიდერის, ირაკლი ოქრუაშვილის დაპატიმრება რუსთავი2-ზე მის განცხადებებს უკავშირდება.

"მიუხედვად იმისა, რომ უამრავი აბსურდი თქვა ირაკლი ოქრუაშვილმა რუსთავი 2-თან დაკავშირებით, აბსოლიტური სისულეები პირდაპირ რომ დავარქვათ, კავშირს ვხედავ მაინც. ამ აქტივობის შედეგია, დაკავებული რომ არის ოქრუაშვილი", — განაცხადა დვალმა.

ირაკლი ოქრუაშვილი გუშინ, 25 ივლისს დააკავეს. მის დაპატიმრებას რუსთავი 2-ის საქმეს უკავშირებს ოპოზიციაც. ოქრუაშვილი ამბბოდა, რომ არხის 100 %-იანი წილი მას ეკუთვნის.

შსს-მ ოქრუაშვილი 4 პირთან ერთად 20 ივნისის საქმეზე დააკავა. დაკავებულებს ბრალად ჯგუფური ძალადობა ედებათ.

დღეს, 26 ივლისს პარლამენტის ოპოზიციონერი დეპუტატები რუსთავი 2-ის დამფუძნებლებს, ჯარჯი აქიმიძესა და დავით დვალს ხვდებიან. დვალის თქმით, ისინი უკვე შეხვდნენ არხის ახალ დირექტორს პაატა სალიას. მისივე თქმით, მას არ სჯერა რუსთავი 2-ის სარედაქციო დამოუკიდებლობის შენარჩუნების.

ამავე თემაზე: