"ცხვა, ცხვა, ცხვა და ზოოპარკის კარგი ამბების საცხობში კიდევ ერთი ტკბილი სიახლე გამოცხვა", — წერია თბილისის ზოოპარკის ფეისბუქის ოფიციალურ გვერდზე გამოქვეყნებულ პოსტში, სადაც ცხოველთა მოყვარულებს ზებრების ოჯახში მატების შესახებ გვამცნობენ.

იქვეა ფოტოც, რომელიც მიწაზე წამოკოტრიალებულ, ცოტათი დაღლილ დედა ზებრასა და საკმაოდ ცნობისმოყვარე გამომეტყველების მქონე კვიცს ასახავს, რომელიც ყურადღებით ათვალიერებს გარემოს.

როგორც ხედავთ, პატარას ძალიან გაუმართლა, რადგან საკმაოდ მზრუნველი მშობელი ჰყავს, რომელიც გვერდიდან არასდროს სცილდება.

ამ ახალშობილისა და 200-მდე სახეობის, 800-ზე მეტი ცხოველის მოსანახულებლად კი თბილისის ზოოპარკი ყოველდღე ელოდება სტუმრებს.