თბილისში, მეტროსადგურ დელისიდან რუსულენოვანი წარწერა ჩამოხსნეს. ამის ამსახველი ფოტო სოციალურ ქსელში გავრცელდა. ინფორმაცია On.ge-ს თბილისის სატრანსპორტო კომპანიაში დაუდასტურეს.

კომპანიაში აცხადებენ, რომ ამ სადგურზე რუსულენოვანი წარწერა შემორჩენილი იყო, რაც კონტექსტიდან იყო ამოვარდნილი და ვინაიდან, ორენოვანი სტანდარტი არსებობს, ეს წარწერა ჩამოიხსნა. მათივე თქმით, ამის ნაცვლად სხვა წარწერა დამონტაჟდება, რომელიც იქნება ქართულ ან ინგლისურ ენაზე.