"დავით სარაჯიშვილი მწერალთა სახლს ტოვებს", მწერალთა სახლის შესასვლელთან ახალი სტენსილი გაჩნდა. ნახატზე ცნობილი მეცენატი ჩემოდნით გადის ეზოდან, რაც მწერალთა სახლში მიმდინარე პროცესებზე ერთგვარ პროტესტად შეიძლება ჩავთვალოთ.

სტენსილის ავტორი ქართველი ქუჩის მხატვარი გაგოშაა (გიორგი გაგოშიძეა).

ფოტო: Gagosh / Facebook

შენობა, სადაც ამჟამად მწერალთა სახლია განთავსებული, ცნობილმა მეცენატმა და ქართული კონიაკის წარმოების ფუძემდებელმა, დავით სარაჯიშვილმა 1903-1905 წლებში ააგო. სახლი გერმანელი არქიტექტორის, კარლ ცაარის პროექტის მიხედვითაა აგებული.

გაგოშას სხვა ნამუშევრები შეგიძლიათ ინსტაგრამზე დაათვალიეროთ.