20th Century Fox-მა Spies in Disguise-ის მეორე ტრეილერი გამოუშვა.

ანიმაციური ფილმი ორ რადიკალურად განსხვავებულ პერსონაჟზე ფოკუსირდება, სუპერ აგენტ ლენს სტერლინგსა (უილ სმიტი) და მეცნიერ ვოლტერ ბეკეტზე (ტომ ჰოლანდი), რომლებიც მსოფლიოს გადასარჩენად ერთიანდებიან.

ფილმის რეჟისორები ნიკ ბრუნო და ტროი ქუენსი არიან. პერსონაჟებს კი ბენ მენდელსონი, კარენ გილანი, რაშიდა ჯონსი, დიჯეი ხალედი და მასი ოკა ახმოვანებენ.

ტრეილერის დასაწყისში ლენსი საკუთარ თავს როგორც მსოფლიოს საუკეთესო ჯაშუშს ისე გვაცნობს. ამ ყველაფრის არგუმენტად კი იმით ამყარებს, რომ მისი სახელი ყველამ იცის. ვიდეო კადრებში კი ჩანს მისი საქმიანობა და ის, რომ მას კოლეგები აფასებენ და პატივს სცემენ.

ამ ყველაფრის შემდეგ მაყურებელი ვოლტერს ხვდება, რომელიც ცდილობს ლენსთან ერთად ლიფტში მოხვდეს, ამ დროს კი კარებებს შორის იჭედება. ის ლენსს საკუთარ ნაშრომზე უყვება, რომელმაც ჯაშუშების საქმიანობა სამუდამოდ უნდა შეცვალოს. საკუთარ პროექტს ის ბიოდინამიკურ შენიღბვას უწოდებს, რომელიც ლენსს გაუჩინარებაში უნდა დაეხმაროს.

ლენსი ექსპერიმენტში მონაწილეობას თანხმდება, თუმცა საბოლოო ჯამში ის მხოლოდ მტრედად გადაიქცევა. ვოლტერის აზრით, მტრედები ყველგან არიან და მათ ვერავინ ამჩნევს.

ანიმაციური ფილმის პრემიერა 2019 წლის 25 დეკემბერს არის დაგეგმილი.