იდრის ელბას სახელს ჯეიმს ბონდზე დიალოგებში ხშირად ახსენებენ, თუმცა თავად მსახიობი ამბობს, რომ უკვე მობეზრდა ის კომენტარები, რომელიც შემდეგი ჯეიმს ბონდის წარმომავლობას უკავშირდება.

ცნობილი მსახიობი თვლის, რომ პრობლემაა, როდესაც ადამიანებს ჰგონიათ, რომ სუპერ აგენტის როლს მხოლოდ შავკანიანობის გამო ვერ ითამაშებს.

უბრალოდ გულსატკენია, როდესაც მთავარი არგუმენტია "არ გამოვა" და საბოლოოდ მიზეზი ჩემი კანის ფერია. თუ მივიღე ეს როლი და არ იმუშავა ან იმუშავა, ეს ჩემი კანის ფერის ბრალი იქნება? ძალიან რთული პოზიციაა, რომელშიც თავის ჩაყენება არ მჭირდება. ამ როლის მიმართ დიდი ინტერესი არასოდეს გამომიჩენია, თუმცა თუ შემომთავაზებენ, აუცილებლად დავთანხმდები. ჯეიმს ბონდი ძალიან სასურველი, იკონური და ხალხისთვის საყვარელი პერსონაჟია, რომელსაც ადამიანები ესკაპისტურ მოგზაურობაში მიჰყავს. ვინმე თუ მკითხავს - გინდა ჯეიმს ბონდი ითამაშო? რა თქმა უნა ვუპასუხებ - დიახ, ეს ჩემთვის ძალიან მიმზიდველია. თუმცა ამ როლის მისაღებად თავად არასოდეს გამომიჩენია ინიციატივა.

ამბობს მსახიობი ჟურნალ Vanity Fair-თან.