შინაგან საქმეთა სამინისტროს პრესსამსახურსი აცხადებენ, რომ საზოგადოებრივი მაუწყებლის ჟურნალისტი, ნიკა მუხიგულაშვილი ხულიგნობისა და პოლიციელის მოთხოვნის დაუმორჩილებლობისთვის დააკავეს. თავად ჟურნალისტი ამბობს, რომ პროფესიული საქმიანობის შესრულების დროს სცემეს და შემდეგ დააკავეს. სახეზე დაზიანების აღმბეჭდავი ფოტოებიც არსებობს.

მუხიგულაშვილმა On.ge-ს განუცხადა, რომ გადაღება პოლიციის თანამშრომლებთან შეთანხმებული ჰქონდა. მისი თქმით, მათ იფიქრეს, რომ აქციის მონაწილის ცემის კადრი გადაღებული ჰქონდა და წაშლა მოსთხოვეს. მანვე აღნიშნა, რომ ის ოპერტორს გადაეფარა, თუმცა კამერა მაინც დაზიანდა.

"სამარშუტო ტაქსს ამომაფარეს, რომ რუსთავი 2-ს არ დავენახე. ბეიჯიც ჯიბეში ჩამიტენეს, რომ არ გამოჩენილიყო", — ამბობს მუხიგულაშვილი, როემლიც სამართლებრივი დავის გაგრძელებას გეგმავს.

"პოლიციამ მოსთხოვა მას, ნუ იღებდა მიმდინარე მოვლენებს. ნიკამ უთხრა, რომ ჟურნალისტი იყო, აჩვენა ჟურნალისტის დამადასტურებელი მოწმობაც, თუმცა პოლიციამ მას სცემა და მოგვიანებით კი დააკავა", — ამბობს არხის ოპერატორი, რომელიც ჟურნალისტთან ერთად იმყოფებოდა.