სასტუმრო რადისონთან რუსული დელეგაციისა და რუსი დეპუტატის, სერგეი გავრილოვის საწინააღმდეგო აქცია მიმდინარეობს ლოზუნგით, "რუსეთი ოკუპანტია". აქციის მონაწილეებს ჩაკეტილი აქვთ სასტუმროს შესასვლელი.

სამოქალაქო აქტივისტ დავით ქაცარავას მიტანილი აქვს მავთულხლართი და აცხადებს, რომ სიმბოლურად უნდა გადასცეს რუს დეპუტატს. აქციის მონაწილეების მოთხოვნით, რუსულმა დელეგაციამ დაუყოვნებლივ უნდა დატოვოს საქართველოს ტერიტორია. ისინი ამბობენ, რომ ყველგან გამართავენ აქციას, სადაც სერგეი გავრილოვი მივა.

ფოტო: სალომე ჩადუნელი / On.ge

ფოტო: სალომე ჩადუნელი / On.ge

ფოტო: სალომე ჩადუნელი / On.ge

ფოტო: სალომე ჩადუნელი / On.ge

ფოტო: სალომე ჩადუნელი / On.ge

ფოტო: სალომე ჩადუნელი / On.ge

საპროტესტო წარწერები სასტუმრო რადისონთან, სადაც სერგეი გავრილოვი იმყოფებოდა

საპროტესტო წარწერები სასტუმრო რადისონთან, სადაც სერგეი გავრილოვი იმყოფებოდა

ფოტო: სალომე ჩადუნელი / On.ge

ფოტო: სალომე ჩადუნელი / On.ge

დღეს, 20 ივნისს მართლმადიდებლობის საპარლამენტთაშორისო ასამბლეის წევრი და რუსი დეპუტატი, სერგეი გავრილოვი პარლამენტში, ირაკლი კობახიძის სავარძელზე დაჯდა. ეს ფაქტი გააპროტესტა ვიცე-სპიკერმა თამარ ჩუგოშვილმა და პრეზიდენტმა სალომე ზურაბიშვილმა. თავდაპირველად, უმრავლესობის წევრმა, ზაქარია ქუცნაშვილმა თქვა, რომ "სადღაც რუსს რომ დავინახავთ, არ უნდა გავნადგურდეთ", მოგვიანებით კი განმარტა, რომ "თუ საჭიროა, პოლიტიკურ პასუხისმგებლობას აიღებს".