ქუთაისში, ავტომშენებლის გამზირზე, ერთ-ერთი საცხოვრებელი კორპუსის მე-2 სართულზე, სავარაუდოდ, მოხდა აფეთქება, რასაც ხანძარი მოჰყვა. საგანგებო სიტუაციების მართვის სამსახურის ცნობით, მომხდარის შედეგად, შვიდი ადამიანი დაშავდა, რომლებიც სასწრაფო სამედიცინო დახმარების ჯგუფებმა საავადმყოფოში გადაიყვანეს. უწყების ცნობით, 30-მდე მეხანძრე-მაშველმა კორუსიდან მოსახლეობის ევაკუაცია განახორციელა.

ხანძრის ქრობის პროცესში, ცოცხალ ძალასთან ერთად, 10-მდე სახანძრო და სამაშველო ტექნიკა იყო ჩართული. ამ დროისათვის ხანძარი ლიკვიდირებულია. პოლიციამ ფაქტზე გამოძიება უკვე დაიწყო, 11¹ 19-109-ე მუხლით, რაც ოჯახური დანაშაულის ნიადაგზე ჩადენილ განზრახ მკვლელობის მცდელობას გულისხმობს.