კანცელარიასთან კორდონის გარღვევის მცდელობისას კონტრაქციის მონაწილე ერთი პირი დააკავეს. როგორც On.ge-ს ჟურნალისტი ადგილიდან იუწყება, ის ლგბტ პირებს შეურაცხყოფას აყენებდა და კორდონის გარღვევისას პოლიციას დაუპირისპირდა.

შსს-ში განაცხადეს, რომ ეს პირიც ადმინისტრაციულ სამართალდარღვევათა კოდექსით დააკავეს.

ბოლო მონაცემებით, კონტრაქციაზე სულ 9 პირი დააკავეს. მათ პოლიციისადმი დაუმორჩილებლბოას ედავებიან. ეს პირები სიტყვიერ შეურაცხყოფას აყენებდნენ აქციის მონაწილეებს, ემუქრებოდნენ ჟურნალისტებს და ლგბტ აქტივისტებს ბოთლებს, კვერცხებსა და ბურთს ესროდნენ.

კონტრაქცია და აქცია უკვე 5 საათია გრძელდება. კონტრაქციის მონაწილეები შეურაცხმყოფელ, ღირსების შემლახავ და ჰომოფობიურ განცხადებებს ავრცელებენ.

გაიგეთ მეტი: რა ხდება კანცელარიასთან