შინაგან საქმეთა სამინისტროს ინფორმაციით, მთავრობის კანცელარიასთან კონტრაქციის მონაწილე 8 პირი დააკავეს.

უწყებაში ამბობენ, რომ კონტრაქციის ერთი მონაწილე შეურაცხმყოფელი სიტყვებით მიმართავდა აქციის წევრებს და კვერცხები ესროლა მას. მათი თქმით, იგი არ დაემორჩილა სამართალდამცველების მოთხოვნას დაეცვა საზოგადოებრივი წესრიგი, რის შემდეგაც ადმინისტრაციულ სამართალდარღვევათა კოდექსის 173-ე მუხლით (პოლიციისადმი დაუმორჩილებლობა) ადგილზე დააკავეს.

მანამდე, ერთი პირი ბოთლის სროლის, ხოლო ერთი ლიბერალის ჟურნალისტისადმი მუქარის გამო დააკავეს. უწყების განცხადებით, ყველა დაკავებული გადაყვანილია პოლიციის განყოფილებაში და მიმდინარეობს კანონმდებლობით გათვალისწინებული საპროცესო მოქმედებები.

2 საათზე მეტია, რაც კანცელარიათან აქცია და კონტრაქცია მიმდინარეობს. გინების, შეურაცხყოფისა და ძალადობის მუქარის ფონზე ლგბტ აქტივისტები და თბილისი პრაიდის ორგანიზატორები საპროტესტო აქციას მართავენ და მთავრობას პოზიციის დაფიქსირებას თხოვენ.

გაიგეთ მეტი: