ონლაინ გამოცემა ნეტგაზეთი წერს, რომ კანცელარიასთან მიმდინარე აქციის ერთ-ერთმა მონაწილემ მათ ჟურნალისტს ტელეფონი წაართვა და გადაუგდო. ნეტგაზეთის გავრცელებულ ვიდეოში ჩანს, რომ ჟურნალისტი აქციის მონაწილეების დაკავებას იღებდა, რის შემდეგაც ერთი პირი მასთან მივიდა და ტელეფონი წაართვა.

ჟურნალისტი აცხადებს, რომ იქვე მდგომ პოლიციელებს რეაგირება არ ჰქონიათ მიუხედავად იმისა, რომ მან მიუთითა მომხდარზე.

კონტრაქციას ჰომოფობიური ჯგუფები მართავენ. კანცელარიასთან შეკრებილები არიან მართლმადიდებელ მშობელთა კავშირის წევრები, სასულიერო პირები. აქციას ესწრება ბიზნესმენი და ოჯახის სიწმინდის კონგრესის ინიციატორი ლევან ვასაძეც.

კონტრაქციაზე 4 პირი დააკავეს. შსს-ს განცხადებით, ისინი პოლიციის კორდონის გარღვევას ცდილობდნენ.

ამავე თემაზე: